Elvana Gjata: Thirrje shqiptarëve, mos u shani me njëri tjetrin

Elvana Gjata: Jemi një komb, kemi një gjuhë, një gjak
Këngëtarja Elvana Gjata, e cila momentalisht është konkurrente në spektaklin “DWTS”, ka publikuar një status ne FB, me të cilin iu ka bërë thirrje të gjithë shqiptarëve që të mos kenë kufij dhe mos harrojnë që janë një komb dhe kanë një gjak e nisur nga komentet që kanë dhënë mbi këngën “Suus”.

“E shtyrë nga reagimet e shumta, jo fort të këndshme, madje të trishtueshme, që kam parë dhe dëgjuar keto dite, ndjej të them dhe të bëj thirrje për të gjithë shqiptarët kudo që janë, që në momente të tilla kur duhet të festojmë, dhe të jemi më të bashkuar se kurrë, nuk ka vend për ndarje kufijsh!!
Jini mirënjohës, të drejtë, sepse vetëm kështu mund të ecim përpara. Jemi një komb, kemi një gjuhë, një gjak…”, – ka përfunduar Elvana, duke publikuar edhe këngën e saj më të fundit “Gjaku im”. Yllka Selita